Алматы қаласы Қоғамдық денсаулық сақтау Басқармасының ШЖҚ «№12 Қалалық емхана» КМК 24 ақпаннан бастап 24 наурызға дейін – Дүниежүзілік туберкулезге қарсы күрес күніне арналған туберкулездің алдын алу айлығы жүзеге асты.
Айдың басты міндеті – жер бетінің барлық тұрғындарын туберкулез проблемасын шешуге ынталандыру.
Еліміздегі туберкулез проблемасы мемлекеттің әлеуметтік саясатының маңызды бағыты болып қала береді. Қазақстан- диагностика, емдеу және алдын алу шаралары тегін жүргізілетін елдердің бірі.
№12 Қалалық емханада медицина қызметкерлеріне арналған «Туберкулез емделеді. Туберкулезге «ЖОҚ» деңіз!» атты семинары өткізілді.
Айлық аясында фтизиатрлардың консультациясы мен тұрғындарды флюорографиялық тексеруден өткізетін ашық есік күндері жоспарланған.
Дүниежүзілік туберкулезге қарсы күрес күні – бұл ауру мәселесіне барлық адамдардың назарын аудару мүмкіндігі.
