Емхана тарихы

№12 қалалық емхананың тарихы сонау 1937 жылдан басталады. 1937 жылы Сталин ауданының №3 амбулаториясы құрылып, кірпіш зауыты жанында жұмыс істеді.

Қалалық денсаулық сақтау бөлімінің 1950 жылғы 01 сәуірдегі № 67 бұйрығы негізінде Сталиндік аудандық денсаулық сақтау бөлімінің №3 амбулаториясы жаңадан ашылған 35 төсектік стационармен біріктіріліп, амбулаториясы бар №4 аудандық аурухана деп аталды.

1950 жылдың 1 маусымынан бастап М. Тухватулин бас дәрігер болып тағайындалды. 1963 жылдың 9 шілдесінен бастап, қалалық денсаулық сақтау бөлімінің бұйрығы негізінде 35 төсектік стационар Ересектерге арналған қалалық емхана болып қайта құрылды. Содан кейін бұл мекеме 6 ересек адамға және 7 балалар учаскесіне арналған балалар консультациясы бар №3 қалалық емхана деп атала бастады.

Қазақ КСР Денсаулық сақтау министрінің 1964 жылғы 13 мамырдағы №6 бұйрығы негізінде №3 қалалық емхана 100 төсектік стационары бар №10 қалалық біріккен клиникалық терапия ауруханасы болып қайта құрылды. №3 емхананың барлық жұмыс істейтін қызметкерлері 10-шы ауруханаға ауыстырылды.

Денсаулық сақтау мекемелерінің номенклатурасындағы өзгерістерге байланысты, Алма-Ата қалалық денсаулық сақтау бөлімінің 1975 жылғы 15 шілдедегі №131 бұйрығына сәйкес №10 қалалық клиникалық терапевтік аурухана 1976 жылғы 1 қаңтардан бастап №6 қалалық клиникалық аурухана болып өзгертілді.

1983 жылға қарай №6 қалалық аурухананың құрамында: емхана бөлімшесі, гелиофизиобөлімше, жалпы саны 260 төсектік 2 стационар болды. Стационарлар типтік емес, тар бөлмелерде, бір-бірінен алыс қашықтықта орналасқан еді. Попов 23 көшесіндегі стационарда әрқайсысы 50 төсектен тұратын 2 неврологиялық бөлімше болды. Сонымен қатар, емхана бөлімшесінің құрамында 3 дәрігерлік (Алма-Ата құрылыс техникумында, байланыс техникумында, радио-телеорталықта) және бір фельдшерлік (Алма-Ата биокомбинатында) денсаулық сақтау пункті болды. Техникумдардың денсаулық сақтау пункттері жатақханаларда, биокомбинат және радио-телеорталық денсаулық сақтау пункттері – осы мекемелердің қызметтік үй-жайларында орналасқан еді. Аурухана Таулы қырат ауылының тұрғындарына да қызмет көрсетті.

1991 жылғы 15 тамыздан бастап №6 қалалық клиникалық аурухананың 1991 жылғы 8 тамыздағы №68 бұйрығымен және Қалалық денсаулық сақтау басқармасының 1991 жылғы 29 шілдедегі №320 бұйрығына сәйкес, № 6 қалалық аурухананың пульмонологиялық және терапевтік бөлімшесінің төсек қоры дәрігерлік, орта және кіші медициналық персоналдың тізімдік құрамымен № 2 қалалық клиникалық ауруханаға берілді.

Алма-Ата қалалық денсаулық сақтау бөлімінің 28.08.1991 жылғы №372 бұйрығы негізінде №6 қалалық клиникалық аурухана №12 қалалық емхана болып өзгертілді.

АМҰ-ның 1994 жылғы 2 мамырдағы №15 бұйрығы негізінде 4-ші балалар емханасы №12 қалалық емхананың құрылымына берілді. Балалар емханасының қызметкерлері 1994 жылғы 16 қазаннан бастап қызметтік ауыстыру тәртібімен ауыстырылды.

Күрделі жөндеусіз ұзақ мерзімді пайдалану нәтижесінде Университеттік 5 мекенжайында орналасқан №12 қалалық емхананың гелиоемхана ғимараты апатты жағдайға келді.

Алматы қаласы мен Қазақстан Республикасының тұрғындары үшін көптеген аурулар кезінде емдеудің жоғары тиімді әдісін қалпына келтіру мақсатында қалалық денсаулық сақтау басқармасының 1994 жылғы 23 тамыздағы «№12 қалалық емхананың гелиоемханасы туралы» №247 бұйрығымен №12 қалалық емхана балансынан Университеттік, 5 көшесіндегі бұл гелиоемхана «Алматымедпром» сыртқы кешенді қауымдастығының балансына берілді.

1994 жылдың соңына қарай 2 дәрігерлік денсаулық сақтау пункті (байланыс техникумы, құрылыс техникумы) жұмыс істеді. Қазіргі уақытта АҚЖМК колледжінде денсаулық сақтау пункті жұмыс істейді.

Қалалық денсаулық сақтау басқармасының 1996 жылғы 5 қыркүйектегі №294 бұйрығын орындау мақсатында, №4 балалар емханасы «Бүкіл отбасы үшін» ЕКО ЖШС балансына берілді, қызметкерлер ауыстыру тәртібімен жұмыстан шығарылды. 1997 жылы наурызда №12 қалалық емханада әйелдер консультациясы құрылды. 1997 жылғы 14 шілдедегі №237 ҚДСБ бұйрығы негізінде «Бүкіл отбасы үшін» ЕКО ЖШС-нен балалар барлық қызметкерлермен бірге №12 емхана құрамына берілді.

ҚР Үкіметінің 25 желтоқсандағы №1335 «Мемлекеттік бюджеттен қаржыландырылатын бағдарламалар әкімші – мекемелерінің жұмыс істеу мәселелері» қаулысына сәйкес және Алматы қаласы Әкімінің 1999 жылғы 18 қаңтардағы №59 шешімі негізінде, 1999 жылғы 19 ақпанда №12 қалалық емхана 1999 жылғы 19 ақпандағы №24494-1910-ГП мемлекеттік тіркеу туралы куәлігін алды. Заңды тұлғаның атауы: Денсаулық сақтау басқармасының ШЖҚ «№12 қалалық емхана» МКК. Кәсіпорын денсаулық сақтау саласындағы қызметті жүзеге асыру мақсатында құрылған.

2009 жылы ДСД 28.11.2008 ж. №573 «МСАК ұйымын жетілдіру және дамыту туралы» бұйрығы негізінде, №1 БҚКА-ның емхана қызметі 15000 адамымен және 165 бірлік штаттық кестесімен №12 емхана құрылымына берілді.

Қазіргі уақытта ШЖҚ «№12 қалалық емхана» КМК Алматы қаласының оңтүстік-шығыс бөлігіндегі Попов көшесі, 23 мекенжайында орналасқан, тіркелген 44158 ересек адамға және 19859  балаға қызмет көрсетеді. №12 қалалық емхананың құрамында Байсейітова көшесі, 40 және Бұқар Жырау көшесі, 47 мекенжайында орналасқан 2 филиал бар.

Емхана қызметінің мәні – тіркелген халыққа білікті, мамандандырылған медициналық амбулаториялық және стационарлық көмек көрсету болып табылады.

ШЖҚ «№12 қалалық емхана» КМК көпсалалы болып табылады. 11 терапевтік, 16 ЖПД, 16 педиатриялық және 5 акушерлік – гинекологиялық учаскелері бар. №12 қалалық емханада терапевтік, педиатриялық бөлімшелер, жалпы практика дәрігерлерінің бөлімшесі, мамандандырылған көмек бөлімшелері (балалар мен ересектер), клиникалық-диагностикалық бөлімше, акушерлік-гинекологиялық бөлімше, жастар денсаулық орталығы және күндізгі стационар жұмыс істейді.